Ел саен 29 апрельдә Халыкара бию көне билгеләп үтелә.
Барлык бию стильләренә багышланган әлеге бәйрәмне 1982 елдан ЮНЕСКО Халыкара бию советы инициативасы белән билгеләп үтә башладылар. Бию - кешенең үз-үзен күрсәтүенең иң борынгы формасы. Бию сәнгатенең башлангычы бик борынгы заманнарда ята. Бию көненә Теләче балалар китапханәсендә «Бию дөньясында» дип исемләнгән тематик күргәзмә оештырылды. Күргәзмәдә бию сәнгатенең барлыкка килү һәм үсеш тарихы, биючеләр, хореографлар, балетмейстерлар, сәнгатьтәге үзенчәлекле күренешкә – биюгә дан китерүче кешеләр турында сөйләүче китаплар тәкъдим ителде. Китапханәгә килгән һәр укучы бу көнне «Мин биергә яратам» викторинасында катнашып, бию сәнгате турындагы белемнәрен тикшереп карый алды.