21 апрельдән бөтен ил буйлап хәтер, батырлык һәм Бөек Җиңү символы буларак ел саен үткәрелә торган «Георгий тасмасы» патриотик акциясе старт алды.
21 апрельдән бөтен ил буйлап хәтер, батырлык һәм Бөек Җиңү символы буларак ел саен үткәрелә торган «Георгий тасмасы» патриотик акциясе старт алды. Быел ул аеруча әһәмиятле: без Бөек Ватан сугышында Җиңүнең 80 еллыгын билгеләп үтәбез. 2 май көнне Айдар авылы китапханәчесе дә Георгий тасмаларын китапханәгә килүчеләргә өләшеп, Бөтенроссия патриотик акциясенә кушылды. Георгий тасмасы – Ватанны саклаучыларның батырлыгы, каһарманлыгы билгесе ул. Һәр сызык – сугыш төтене кебек кара, Җиңү ялкыны кебек кызгылт – безнең киләчәгебез өчен бирелгән меңләгән гомерләрне хәтерләтә. Аны йөрәк тирәсендә йөртү: «Мин хәтерлим! Мин горурланам!» дигәнне аңлата. Бу фашизмга каршы көрәшүчеләр турында истәлегебез. Бөек Җиңү символы чиксез хөрмәт һәм рәхмәт билгесе.