«Георгий тасмасы» — ул хәтер, батырлык һәм Бөек Җиңү символы!
«Георгий тасмасы» — ул хәтер, батырлык һәм Бөек Җиңү символы! Бу акция быел аеруча әһәмиятле, чөнки илебез белән 1941-1945 еллардагы Бөек Ватан сугышында Җиңүнең 80 еллыгын билгеләп үтәбез. Әлеге акция Ватанны саклаганда һәлак булган сугышчыларның истәлеген саклау максатыннан үткәрелә. 6 май көнне Сауш авылы китапханәсе әлеге мөһим акциягә кушылды. Китапханәче Георгий тасмасын ничек дөрес тагып йөрергә кирәклеге турында белешмәләр әзерләп таратты. Шулай ук, лентадагы һәр кара-кызгылт сары сызык - без бүген яши торган илебезнең киләчәге өчен бирелгән меңләгән язмышны чагылдыруын аңлатты. Акциядә катнашучылар фикеренчә, мондый чаралар кирәк, чөнки кешеләр Җиңүнең нинди бәягә яулануын онытмаска тиеш!