Бөек Ватан сугышында Җиңүнең 80 еллыгын бәйрәм итү уңаеннан «Пароль их – «Родина», а лозунг их – «Победа» дип исемләнгән чара үткәрелде.
16 май көнне Әбде авылы китапханәсендә «Пушкин картасы» проекты кысаларында Бөек Ватан сугышында Җиңүнең 80 еллыгын бәйрәм итү уңаеннан «Пароль их – «Родина», а лозунг их – «Победа» дип исемләнгән чара үткәрелде. Китапханәче балаларга Җиңүнең нинди авырлыклар белән яулануы, Брестны саклаучылар, Ленинград блокадасы, панфиловчыларның «Бер адым да артка чигенмә, безнең артта Мәскәү!» дигән анты турында сөйләде. Бөек Ватан сугышы - ул Сталинград янында ут һәм кан белән яуланган җиңү, бу Курск дугасы геройларының батырлыгы, Берлин штурмы, бөтен халыкның йөрәге истәлеге. Чарада катнашучылар фронтовик шагыйрьләрнең сугыш турында язган шигырьләрен укыдылар һәм тыңладылар. Очрашу «Сугыш мизгелләре китап хәтерендә» исемле китап күргәзмәсенә күзәтү белән тәмамланды.