15 майда Россиядә БМО Генераль Ассамблеясе тарафыннан 1993 елда игълан ителгән Халыкара гаилә көне билгеләп үтелә.
Бу көн гаиләнең күпсанлы проблемаларына игътибар итүне максат итеп куя. Гаилә - шундый ягымлы, җылы хисләр белән тулган гади һәм шул ук вакытта бик зур мәгънәгә ия булган сүз. Гаилә - ул һәр кеше тормышында иң мөһиме, бу безгә якын һәм кадерле кешеләр. Нәкъ менә гаиләдә без җаваплылыкка, кайгыртучанлыкка һәм хөрмәт итәргә өйрәнәбез. 15-17 май көннәрендә, гаилә көне уңаеннан, Айдар авылы китапханәсендә «Минем гаиләм - минем байлыгым» дип исемләнгән китап күргәзмәсе оештырылды. Күргәзмәдә гаилә мәсьәләләре һәм балалар тәрбияләүдә аның роле, үрнәк гаиләләр турындагы китаплар, шигырьләр, журнал-газета мәкаләләре урын алды. Әлеге күркәм бәйрәм уңаеннан «Иң күп китап укучы» һәм «Мәдәни чараларда актив катнашучы» Давлетшиннар, Фаттаховлар гаиләләрен котлап, истәлекле бүләкләр тапшырылды.