Уен башында китапханәчеләр язучының тормыш юлы һәм иҗаты турында сөйләделәр. Чарада катнашучылар бик теләп Пушкинның әкиятләр дөньясы буйлап мавыктыргыч сәяхәт иттеләр. Әлеге сәяхәттә алар викторина сорауларына җавап бирделәр, табышмаклар чиштеләр, өзекләр буенча әкиятләрне танып белделәр, әкиятләрдәге хаталарны таптылар. Һәр үтәлгән бирем өчен балаларга баллар бирелеп барды. Уен бик кызыклы һәм мавыктыргыч килеп чыкты.