Чара барышында «Китап Айболиты» мастер-классы да үткәрелде. Китапханәче балаларга китап чыгаруда нинди зур хезмәт куелуы турында сөйләде, китап укучыларны кабат сөендерсен өчен, китапчыкларны ничек «дәваларга» кирәклеген күрсәтте. Балалар таушалган битләрне төзәттеләр, карандаш тамгаларын бетергеч белән бетерделәр, скотч белән ертылган битләрне ябыштырдылар.