Хәзерге вакытта коррупциягә бәйле сорауларга һәм аңа каршы көрәш мәсьәләләренә зур игътибар бирелә.
Китап укучыларда әлеге “чиргә” карата түземсез мөнәсәбәт формалаштыру, ришвәтчелекнең асылын аңлату, намуслылык һәм тәртиплелек тәрбияләү, хокукый аңны үстерү максатыннан Иске Жөри авылы китапханәсендә “Коррупция ул - бозыклык, намуслы булып яшик!” дип исемләнгән танып белү сәгате үткәрелде. Катнашучылар "Коррупция нәрсә ул һәм аның белән ничек көрәшергә?", коррупциягә каршы көрәш юлларын һәм ысулларын ачарга тырыштык. Фикер алышу барышында «коррупция» төшенчәсе, тарих, коррупция төрләре, коррупциягә каршы көрәш ысуллары каралды. Нәтиҗәдә барысы да коррупция – икътисадый үсешкә каршылык, һәм аның белән көрәшү өчен, барыннан да элек, үзеңнән башларга һәм әйләнә-тирәдәгеләрдән коррупция күренешләрен бетерүне таләп итәргә кирәк дигән нәтиҗәгә килделәр.