25 июль көнне Теләче җирлекара китапханәсе хезмәткәрләре ял паркында бик тә күңелле һәм файдалы чара уздырды.
2025 елның 1 августы, җомга
"Милли уеннар – тәрбия чарасы" дип аталган әлеге чара балаларны халкыбызның бай мирасы белән таныштыру, аларда милли горурлык хисләре тәрбияләү максатыннан оештырылды.
Чөнки уен – ул һәр баланың тормышында мөһим урын алып тора. Ул балаларны уйланырга, фикер йөртергә, тиз арада карарлар кабул итәргә өйрәтә. Уеннар аша балалар бер-берсе белән аралашырга, дуслашырга, ярдәмләшергә күнегә.
Чара барышында балалар бик теләп мәкалләр әйтештеләр, халык авыз иҗатының энҗеләре булган табышмакларга җавап эзләделәр. Ә иң мөһиме – алар милли уеннар уйнап, күңелләрен күтәрделәр, бер-берсе белән аралашудан рәхәтлек алдылар.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз