22 августта Россия Федерациясе Дәүләт флагы көне билгеләп үтелә.

2025 елның 1 сентябре, дүшәмбе

Бу истәлекле вакыйга уңаеннан Күкчә авылы мәдәният хезмәткәрләре балалар өчен танып белү сәгате үткәрделәр. Алар балаларга бәйрәмнең тарихы, Россия дәүләт символларының әһәмияте һәм мөһимлеге турында сөйләделәр. Танып белү сәгате барышында балалар Россия флагының төсләренең символикасы белән таныштылар. Ак төс тынычлык, чисталык, сафлык һәм камиллекне аңлата. Зәңгәр төс иман һәм тугрылык, даимилекне символлаштыра. Кызыл төс исә Ватан өчен коелган көчне һәм батырлыкны күрсәтә. Мондый чаралар балаларда ватанпәрвәрлек хисе тәрбияләргә, дәүләт символларының әһәмиятен аңлатырга ярдәм итте. Аларның күңелендә үз иленә карата горурлык һәм мәхәббәт уятты.