10 октябрь көнне Шармыш авылы китапханәсендә «Оста куллар» клубында катнашучылар өчен «Бүләккә чәчәкләр» дигән мастер-класс үткәрелде.

2025 елның 13 октябре, дүшәмбе

Чәчәкләр — иң популяр эшләнмәләрнең берсе, аларны төрле ысуллар белән ясарга мөмкин: аерым таҗ яфракларыннан җыеп, ябыштыру һәм тегү ысулы белән формалаштырып, яки әзерләнгән тасманы бөкләп ясап. Китапханәче катнашучыларны кәгазь чәчәкләр ясауның төрле вариантлары белән таныштырды. Мастер-класс ахырында әтиләр көне бәйрәмендә бүләк итәр өчен һәркемнең матур оригиналь открыткасы килеп чыкты. Бу бәйрәм Россиядә рәсми рәвештә октябрьнең өченче якшәмбесендә билгеләп үтелә, 2025 елда бу дата 19 октябрьгә туры килә. Мастер-класс катнашучыларга үзләренең иҗади сәләтләрен күрсәтү һәм якыннарына махсус бүләк әзерләү өчен зур мөмкинлек булды.