1 октябрь көнне ил буенча Өлкәннәр көне билгеләп үтелә

2025 елның 4 октябре, шимбә

Бу бәйрәм җәмгыятьнең өлкән буынына хөрмәт күрсәтү өчен оештырыла. Бүгенге өлкәннәр – илне үсешнең алдынгы чигенә күтәргән кешеләр. Өлкәннәр – безнең әти-әниләр, әби-бабаларыбыз, хезмәт юлын лаеклы үткән ветераннарыбыз. Алар күп авырлыклар кичергән һәм без, яшь буын, аларны хөрмәт итәргә тиеш. 30 сентябрьдә Олы Мәтәскә авылында өлкәннәрне хөрмәтләү йөзеннән «Олы җанлы, батыр өлкәннәр» дип исемләнгән әдәби-музыкаль кичә үткәрелде. Кичә чәй өстәле артында котлаулар, концерт номерлары белән үрелеп барды. Бәйрәмдә җылы атмосфера хөкем сөрде, өлкәннәрнең тормыш юлына, тәҗрибәсенә рәхмәт сүзләре белдерелде. Бу чара өлкән буынга булган хөрмәтне һәм игътибарны арттыруга ярдәм итте.