Ел саен 1 октябрьдә Халыкара өлкәннәр көне билгеләнеп үтелә.
Әлеге көн уңаеннан Олы Нырсы авыл җирлегендә «Көзге зирәклек кичәсе» дип исемләнгән бәйрәм үткәрелде. Бу кичә тормыш турында хикәяләр, шигырьләр, музыкаль номерлар, уеннар һәм конкурслар белән үрелеп барды, катнашучыларга күңелле һәм файдалы вакыт уздыру мөмкинлеге бирде. Бәйрәмнең ахырында чәй өстәле артында җыелып, өлкәннәр бер-берсе белән аралашып, үзләренең истәлекләре белән уртаклаштылар. Шулай ук китапханәдә китап күргәзмәсе куелды, анда сәламәт яшәү рәвешенә, өлкән яшьтәге кешеләрнең озак яшәү серләренә багышланган китаплар, журналлар, кул эшләре буенча киңәшләр, йорт хуҗалыгы алып бару өчен файдалы мәгълүматлар һәм үткән еллар фотосурәтләре төшерелгән альбом тәкъдим ителде. Әлеге чара яшь буын белән өлкәннәр арасындагы аралашуны ныгытуга ярдәм итә, җәмгыятьтәге бердәмлекне һәм хөрмәтне арттыра.