Россиядә Автомобильчеләр көнен октябрьнең соңгы якшәмбесендә билгеләп үтәләр, быел бәйрәм 26 октябрьгә туры килә.
Шул уңайдан 24 октябрь көнне Иске Җөри авыл клубында Иске Җөри авылы модель китапханәчеләре юл хәрәкәте иминлеге идарәсе Дәүләт бюджет учреждениясе җитәкчесе һәм Иске Җөри урта мәктәбенең «Комета» ЮИД отряды белән берлектә «Автомобильче көне»н үткәрделәр. Чара «ПДД-вечеринка» дип исемләнгән интеллектуаль уен форматында узды. Анда гамәлдәге машина йөртүчеләр белән булачак машина йөртүче егет-кызлар катнашты. Катнашучылар викторина сорауларына җавап бирделәр, ребуслар, кроссвордлар чиштеләр, пазллар җыйдылар, күңелле стартларда һәм конкурсларда катнаштылар. Чара ахырында Саба районы буенча «Юл хәрәкәте кагыйдәләре» ДБУ территориаль идарәсенең профилактика бүлеге башлыгы Гүзәл Нәзиф кызы барлык катнашучыларга истәлекле бүләкләр тапшырды. Бу чара юл хәрәкәте кагыйдәләре турында белемнәрне арттыру максатын күздә тотты.