“Бар җырыңны илгә багышладың”

2026 елның 16 феврале, дүшәмбе

14 февраль көнне Баландыш авылы китапханәсендә татар халкының герой-шагыйре Муса Җәлилнең тууына 120 ел тулу уңаеннан “Бар җырыңны илгә багышладың” дип исемләнгән әдәби сәгать үткәрелде. Чарада балаларга Муса Җәлилнең балачагы, иҗаты, әсирлектә үзенең көрәштәшләре белән бергә фашизмга каршы ничек батырларча көрәшүләре турында сөйләнде. Шагыйрьнең йөрәккә үтеп кергән шигырьләре укылды. Аннары катнашучылар бергәләп Муса Җәлилгә багышланган презентацияне карадылар һәм викторина сорауларына актив җаваплар бирделәр. Әдәби сәгать күңелле һәм мәгънәле узды, балалар шагыйрьнең тормышы һәм иҗаты белән тагын да якыннан таныштылар.