Бәйрәм алдыннан безнең Теләче 3нче номерлы балалар бакчасында Ватанны саклаучылар көненә багышланган традицион спорт чаралары узды.
Ватанны саклаучылар көне балаларда патриотлык хисе, сугышчыларга хөрмәт, Ватаныбызның иң яхшы традицияләренә катнашлык тәрбияли. Бу – чын ир-атлар бәйрәме-кыюлар, җитезләр, ышанычлылар, шулай ук үсеп, Ватанны саклаучылар булачак малайлар бәйрәме. 23 февральгә багышланган уртак балалар-ата-аналар чаралары балаларның күңелләренә ватанпәрвәрлек, Ватан алдында бурыч һәм җаваплылык бөртекләре сала. Уртанчылар, зурлар һәм мәктәпкә әзерлек төркемнәрендәге балалар әтиләре белән бергә бөтен көчләрен, җитезлекләрен, тиз җавап бирүләрен һәм тапкырлыкларын күрсәттеләр. Кызыклы сайланган биремнәр иң оялчан балаларны да, иң җитди олыларны да битараф калдырмады. Барысы да спорт эстафеталарында актив катнаштылар. Җырлар, табышмаклар яңгырады. Егетләр җиңү яулау өчен физик яктан көчле булу гына аз икәнен аңладылар. Шул ук вакытта җитәрлек максатчанлыкка, ихтыяр көченә ия булырга, оешкан һәм җыйнак булырга, җитез һәм тапкыр булырга кирәк. Чарада катнашучылар бер-берсенә яхшы кәеф, аралашу шатлыгы бүләк иттеләр һәм үзләренең нинди җитез, оста һәм чыдам булуларын күрсәттеләр! Балалар үзләренең кадерле әтиләренә үз куллары белән ясаган котлау открыткаларын бүләк иттеләр.