Халыкара наркомания һәм наркотикларның законсыз әйләнешенә каршы көрәш көне уңаеннан китапханәдә «Без наркотикларга каршы» дип исемләнгән мәгълүмати сәгать үткәрелде.

2026 елның 5 марты, пәнҗешәмбе

Әлеге чараның төп максаты — наркотикларга бәйлелекне кисәтү, психоактив матдәләрнең зарары турында киңкүләм мәгълүмат тарату һәм яшүсмерләр арасында сәламәт яшәү рәвешен популярлаштыру булды. Очрашу барышында наркотикларның яшүсмерләр сәламәтлегенә китерә алган җитди зыяннары турында җентекләп сөйләштеләр. Шулай ук наркотиклар белән бәйле законнар һәм аларны бозу нәтиҗәләре турында фикер алышу узды. Катнашучыларга дусларның наркотиклар кулланып карарга үгетләүләренә ничек бирешмәскә икәнлеге турында файдалы киңәшләр дә бирелде.