Әбде авылы мәктәбе 6-8 сыйныф укучылары китапханәче Никитина Н.П.һәм авыл советы сәркатибе Камалетдинова Ч.Т.белән берлектә авылдашыбыз - Бөек ватан сугышы ветераны Шәймәрданов Рәҗәп бабай янында булып кайттылар.
Тимурчылык эшләре дәвам итә.
Мәктәптә оешкан тимурчылык отрядының асылын ярдәмгә мохтаҗ булган кешеләргә ярдәм итү тәшкил итә.Бөек Ватан Сугышы ветераннары,хөрмәткә лаек картларыбыз тирә-якта шәфкатьле,ярдәмгә әзер торучы кешеләр яшәгәнен белеп торырга тиешләр.Тимурчылык эше бик мөһим һәм кирәкле эш.Өлкән буын вәкилләренә кайвакыт әз генә игътибар да җитә бит.
Бүген 6-8 сыйныф укучылары китапханәче Никитина Н.П.һәм авыл советы сәркатибе Камалетдинова Ч.Т.белән берлектә авылдашыбыз - Бөек ватан сугышы ветераны Шәймәрданов Рәҗәп бабай янында булып кайттылар.Аның белән аралашу барышында укучылар авылыбыз тарихына кагылышлы яңа мәгълумат алдылар.Рәҗәп бабай укчыларга үткәндәге гореф-гадәтләр,йолалар,үткән сугыш еллары турында сөйләде.Соңрак укучылар ветеранның кызы белән аралаштылар,йорт тирәсен кардан чистарттылар.