Безнең мәктәптә сәламәт яшәү рәвешенә зур игътибар бирелә. Барлык укучылар да спортны бик яраталар. Алар күп төрле спорт ярышларында теләп катнашалар

2015 елның 28 гыйнвары, чәршәмбе
Безнең мәктәптә сәламәт яшәү рәвешенә зур игътибар бирелә. Барлык укучылар да спортны бик яраталар. Алар күп төрле спорт ярышларында теләп катнашалар; йөгерү, теннис, волейбол, баскетбол, футбол, кул көрәше буенча призлы урыннарыбыз күп. Шулай ук кышкы спорт төрләре белән дә шөгылләнәләр. Бигрәк тә хоккей аларның күңелләренә хуш килә. Мәктәп ишегалдында хоккей мәйданчыгы төзелү укучылар өчен дә, әти-әниләр, авыл яшьләре өчен дә зур шатлык булды. Көн саен диярлек малайлар хоккей уйнаса, кызлар тимераякта шуу белән мавыгалар. 27 гыйнварда мәктәбебездә укучылар һәм авыл яшьләре арасында хоккей ярышы булып узды. 8:5 исәбе белән укучыларыбыз җиңү яулады. Афәрин!
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International