3 февраль көнне Урта Мишә авылы китапханәсендә сугыш чоры балаларына, тыл ветераннарына багышлап “Сугыш еллары буйлап” исемле китап күргәзмәсе эшләнде.
Язлар арты язлар җитә, җирдә яшәү дәвам итә. Илебезне саклап аяусыз көрәшкән,Бөек Җиңү көнен якынайткан ватандашларыбызның батырлыгы буыннан – буынга күчеп, халык күңелендә сакланып килә. Һәр елның 9 маенда ветераннар очраша, ә күзләрендә шатлыклы күз яшьләре. Сандыктагы орден-медальләр, саргайган хатлар кузгала. Туганнарын , якыннарын гына түгел, матур яшьлек елларын да тартып алып,сугыш ул чор кешеләренең язмышын үзенчә үзгәртеп куйды. Ләкин ул күңелләрдәге саф-керсез уйларны каралта алмады. Бу утлы елларны йөрәкләрдән сызып ташлап булмаган кебек, безнең тыныч тормышыбыз өчен көрәшкән илпәрвәрләр каршындагы бурычыбызны да онытырга хакыбыз юк. Шул максаттан 3 февраль көнне Урта Мишә авылы китапханәсендә сугыш чоры балаларына, тыл ветераннарына багышлап “Сугыш еллары буйлап” исемле китап күргәзмәсе, “Хәтердән мәңге җуелмасын, Җиңу елларының даннары”-исемле темага альбомнар эшләнде.