2015 елның 10 гыйнварында Олы Кибәхуҗа авылы башлангыч сыйныф укучылары, укытучылары Кәдрия Мустафина җитәкчелегендә Казаклар авыл китапханәсенең кунаклары булдылар. Авыл китапханәчесе Альбина Рахматуллина укучыларны китапханәдә үз-үзеңне тоту, китап белән сак эш итү кагыйдәләре белән таныштырды. Аннан соң китап дөньясына кызыклы сәяхәт булды, укучылар яңа китаплар белән таныштылар. Бу кичә балаларга бик ошады.