Бөтенроссия "Библиотөн" акциясе кысаларында 2015 ел-әдәбият елына багышлап 12 февраль көнне Шәтке авылы китапханәсендә "Төнге китапханәгә экскурсия" дигән кичә үткәрелде.

2015 елның 13 феврале, җомга
Бөтенроссия "Библиотөн" акциясе кысаларында  2015 ел-әдәбият елына багышлап 12 февраль көнне Шәтке авылы китапханәсендә  "Төнге китапханәгә  экскурсия" дигән кичә үткәрелде. Бу кичәдә Шәтке урта гомуми белем бирү мәктәбенең 6 сыйныф укучылары һәм татар теле әдәбияты  укытучылары катнашты. Экскурсиянең беренче өлешендә китапханәче Галимуллина К.Х. балаларны Шәтке авылында туып үскән якташ язучылар белән таныштырды.  Алар турындагы презентацияне караганнан соң балалар белән викторина үткәрелде.  " Туган якның сүнмәс нуры Сез" дигән китап -күргәзмә ясап куелган иде. 
   Экскурсиянең икенче өлешендә Шәтке мәдәният йортының тамаша залында директорГабдуллина Ф.Н. балаларны Теләчедән чыккан якташ-язучыларга багышлап ясалган  "Туган якның әдәби чишмәсе" дип исемләнгән китап-күргәзмә белән таныштырды. Ул күбрәк якташ язучыбыз М.Максудның иҗаты турында сөйләде, чөнки 2015 елның январенда  М.Максудның тууына 115 ел тулды. 
  Экскурсиянең соңгы өлешендә Шәтке урта мәктәбенең татар теле һәм әдәбияты укытучысы  Габделхаева Р.Х. Бөек Җиңүнең 70 еллыгына багышлап мәдәният йорты фойесында  ясалган "Каләмне корал итеп" дигән китап-күргәзмә белән таныштырды. Балаларга сугыш турындагы китапларны укырга тәкъдим итте, сугышта катнашкан  татар язучылары һәм шагыйрьләре турында сөйләде,  алар турында балаларга сораулар бирде. Укучылар  М.Җәлил, Ф.Кәрим, Г Кутуйның шигырьләрен сөйләделәр. 
   Экскурсия барышында балалар китапханәдәге барлык күргәзмәләр белән дә таныштылар. Музей-почмакны карадылар. Китапханәдән киткәндә һәр бала да кәнәгатъ калды һәм күргәзмәләрдәге китапларны укырга алдылар.  
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International