Еллар үткән саен, Бөек Ватан сугышында катнашкан ветераннар саны кими бара. Ләкин аларга булган ихтирам, хөрмәт хисе югалмый. Бөек Җиңүнең 70 еллыгы уңаеннан Сауш урта гомумбелем бирү мәктәбе укучылары авылыбызда яшәүче Бөек Ватан сугышы ветераны Сираҗетдинов Рифкать абыйга даими ярдәм итеп торалар. Аңа булышырга барганда, сугыш чоры вакыйгаларын Рифкать абый тәфсилләп сөйләп күрсәтә. Ул үзенең сугыштан соңгы тормышы турында да бик озаклап сөйли. Аның искиткеч матур картиналар ясау остасы икәнен дә укучылар ветеран өендә эленеп торган рәсемнәргә карап белделәр.