14 нче һәм 15 май көннәрендә “ Батыр “ спорткомплексында Бөек Ватан сугышында Җиңүнең 70 еллыгына багышланган җиңел атлетика буенча район беренчелегенә Х Спартакиада ярышлары булып үтте. Ярышларда 1998 -2001 елларда туган малайлар һәм кызлар катнашты. Шәхси беренчелектә Теләче урта мәктәбе укучылары 1-3 урыннарны яуладылар. Теләче урта мәктәбе командасы икенче урынга чыкты. Укучыларны ярышларга физкультура укытучылары Р.Р. Хакимов һәм М.Р. Юсупов әзерләде. Алга таба яшь йөгерешчеләр республика буенча йөгерү ярышларында катнашачаклар. Укучыларны җиңүләре белән котлыйбыз. Зур уңышлар телибез!