1 июнь көнне Казан шәһәрендә “Созвездие-Йолдызлык” фестиваль-хәрәкәте җиңүчеләрен бүләкләү тантанасы булды. Җиңүчеләрне Рөстәм Миңнеханов үзе котлады. Ул тантанада катнашучыларны сәламләп, Халыкара балаларны яклау көне белән тәбрикләде. Тантанада “Созвездие-Йолдызлык-2015” фестивале лауреатларына һәм Гран-при ияләренә ТР Президентының дәүләт стипендияләре тапшырылды.
Тантанада район мәдәният йорты каршына эшләп килүче «Нур» вокаль ансамбле һәм аларның җитәкчеләре Әльфия Поташова да катнашып дәүләт степендиясенә ия булдылар.