Югары Кибәхуҗа авыл мәдәнияте йортының “Балачак” курчак театр-студиясе 4 ноябрь көнне 3 нче театр сезонын башлап җибәрде. Бу көнне Нина Гернт әсәре буенча (Миләүшә Галявиева-Габдрахманова тәрҗемәсе) куелган “Дорофей маҗаралары” премьерасы булды. Тамашада әсәрне тәрҗемә итүче М.Габдрахманова һәм әсәргә көй иҗат иткән Аяз Юскаев та катнашты. Яшь һәм өлкән тамашачы әсәрне яратып кабул итте.