“И туган тел, и матур тел, әткәм-әнкәмнең теле”.

Бөек Тукаебыз шулай ди. Тукай әйткәнчә, кечкенәдән өйрәнгән туган телебез генә кешенең йөрәгенә үтеп керә, халыкта милли горурлык хисе уята, ата-бабаларыбызның  үткәненә, алар калдырган мираска  хөрмәт хисе белән карарга мөмкинлек бирә. Татар җирендә яшәгән татар баласы үз телен белмәсә, моны һич кенә дә табигый хәл дип атап булмый.

Безнен, Лесной  балалар бакчасында ,татар теленә өйрәтү “Балалар бакчасында белем һәм тәрбия бирү программасы” нигезендә алып барыла. Программада куелган төп бурычлар булып балаларны дөрес һәм чиста итеп туган телдә сөйләшергә өйрәтү, әйләнә-тирә мохит һәм табигать белән таныштыру, баланың фикерләвен үстерү, сүзлек запасын баету, авыз артикуляциясен булдыру тора. Тел үсеше баланың гомуми үсеше белән нык бәйләнгән, шуңа күрә ул барлык тәрбия эшләре белән дә тыгыз бәйләп алып барыла.