7 февраль көнне балаларның яраткан язучысы Агния Львовна Бартоның тууына 110 ел булды.

17 февраль көнне Теләче балалар китапханәсендә, язучының юбилее уңаеннан, аның тормыш юлын һәм иҗатын ачып бирүче, “Знакомимся с творчеством А.Л. Барто” исемле китап күргәзмәсе төзелде. Китап укучыларга Агния Барто шигырьләрен исләренә төшерергә һәм сөйләп күрсәтергә тәкъдим ителде. Башта балалар каушабрак калсалар да, әйтеп җибәргәннән соң “Идет бычок качается…”, “Наша Таня громко плачет”, “Уронили мишку на пол…” кебек шигырьләрне бик тиз исләренә төшерделәр. Шагыйрьнең балаларны үз - үзләрен ничек тотарга, кем булып үсәргә, әйләнә – тирәне, андагы тереклекне ничек сакларга, өлкәннәргә һәм кечкенәләргә нинди карашта булырга өйрәткән күңелле шигырьләре чын мәгънәсендә уйланырга мәҗбүр итәләр.