“Карга боткасы”.

       Кара  каргалар - язның  беренче хәбәрчеләре. Борынгы  заманнардан бирле кешеләр әлеге кошларга хөрмәт  белән караганнар. Алар хөрмәтенә “Карга боткасы” оештырганнар. Бүген безнең балалар бакчасында да  әлеге бәйрәм узды. Балалар – бәйрәмнең төп катнашучылары  булдылар. Иртән мәктәпкәчә әзерлек төркеменә йөрүче балалалар группадан группага йөреп бәйрәмгә  ярма, йомырка, май җыйдылар һәм барысын да бәйрәмгә чакырдылар. Бәйрәм  балаларның күңелле  җырлары - биюләре, кошлар турындагы  белемнәрне ныгыту белән үрелеп барды. Бәйрәм карга боткасы ашау белән тәмамланды.