14 нче апрель көнне Олы Мишә урта мәктәбе 9-10 нчы сыйныф укучылары район күләмендә уздырылган хәрби-патриотик фестивальдә катнаштылар. Бөек Җиңүнең 71 еллыгына багышланган чараның максаты булып укучыларда хәрби-патриотик тәрбия хисләре булдыру тора.Фестивальдә агитбригада презентация яклады, әдәби-музыкаль чара күрсәтте.Мәктәбебез агитбригада чыгышы фестивальнең җиңүчеләре дип танылды һәм республика турына үтте. Укучыларыбызга рәхмәт белдерәбез, иҗади уңышлар телибез.