Җиңү көне белән!

7 май көнне Олы Мишә урта мәктәбе, авыл җирлеге белән берлектә, Бөек Җиңүнең 71 еллыгына багышланган митинг үткәрде. Бу тарихи көнне билгеләп үтәр өчен укучылар тарафыннан “Җиңү безнең күңелләрдә!” дип аталган әдәби-музыкаль монтаж күрсәтелде. Бөек Ватан сугышында һәлак булган якташларыбыз истәлегенә төзелгән һәйкәлгә чәчәкләр салынды. Сугышта һәлак булганнарны бер минут тынлык белән искә алдык. Зур хөрмәткә лаек булган сугыш  һәм тыл ветераннарыбызны бәйрәм белән котладык. Аларга исәнлек- саулык, озын гомер,хәерле имин көннәр теләдек.