“Мәктәпкә әзерләнергә булыш”

2016 елның 18 август көнендә район мәдәният йортында беренче сыйныфка баручы 132 бала өчен зур тантана уздырылды. “Мәктәпкә әзерләнергә булыш” акциясы  кысаларына таянып, әлеге балаларга мәктәп өчен кирәк-яраклар белән тутырылган портфель тапшырылды.

Бу бәйрәмне булдыру өчен күп кенә җитәкчеләр үз өлешләрен керттеләр. Шулай ук балаларны һәм аларның ата-аналарын районыбызның җитәкчесе Ильдус Фатихович Зарипов, мәктәп һәм оешма җитәкчеләре, укытучылар котладылар. Тантана концерт номерлары белән үрелеп барды.