Мәдәни мирасны саклау, гореф-гадәтләребезне яшь буынга тапшыру максатларын күздә тотып 26 гыйнвар көнне Баландыш авыл китапханәсендә эшләп килүче «Оста куллар» берләшмәсе членнары белән «Орчык өмәсе» оештырылды.

«Орчык өмәсе» – кышкы йола. Күренештәге вакыйгалар үткәннәрне барлый, аннары салмак кына бүгенге көнгә алып кайта. Орчык бөтерелә-бөтерелә әнә шулай тарихны саный. Үткәнен белмәгәннең киләчәге юк. Инде кабатланган юллар булса да, мәгънәсе тирән бу сүзләрнең. «Ә сәхнәләштерелгән күренеш тамашачыга эстетик тәрбия дә, шул ук вакытта хезмәт тәрбиясе дә бирә дип уйлыйбыз.