Мәктәп яны тәҗрибә участогында язгы эшләр башланды. Югары Кибәхуҗа урта мәктәбе укучылары суган утырттылар; кишер, чөгендер, укроп чәчтеләр; теплицага помидор, кыяр үсентеләрен күчерделәр. Һәр класска чәчәк территорияләре бүленеп бирелде. Барлык класслар үз территорияләрендә чәчәкләр утырттылар, тәгәрмәчләрдән, пластик шешәләрдән, агачтан матур-матур эшләнмәләр ясадылар.