ЯҢАЛЫКЛАР

Россиянең истәлекле даталары тарихына күптән түгел, 2007 елда гына кергән бу бәйрәм. Шушы истәлекле дата уңаеннан, Шәдке авыл китапханәсендә «9 декабрь - Ватан геройлары көне» дигән китап күргәзмәсе оештырылды. Китап күргәзмәсендә Ватан геройлары тарихы, Россия геройлары, шулай ук төрле сугышлар тарихы турында китаплар тәкъдим ителде. Алар Россиянең героик үткәненә тарихи экскурсия ясарга, Россия гаскәрләренең Ватан тарихында мөһим роль уйнаган данлы җиңүләре турында белергә ярдәм итәчәк.

Шәдке авыл китапханәсендә бу көнгә «Коррупция в литературных произведениях» дигән күргәзмә - күзәтү ясалды. Рус әдәбияты һәрвакыт иҗтимагый тормыш күренешләрен чагылдыра, һәм анда ришвәтчелек темасы мөһим урын алып тора. Һәр рус язучысы диярлек бу проблеманы күтәрә.

5 декабрь көнне волонтер көненә Үзәк авылы китапханәсендә сыйныф укучылары арасында "Волонтерлык - бу текә!" дип исемләнгән әңгәмә үткәрелде. Чара барышында балалар волонтерларның нәрсә икәнен, дөньяда нинди хәйрия оешмалары барлыгын белделәр. Чара ахырында китапханәче игелек турында видео күрсәтте.

9 нчы декабрь көнне Әбде авыл китапханәсендә мәктәп, мәдәният йорты хезмәткәрләре белән берлектә "Ватан Геройларына Дан!", дип исемләнгән патриотик сәгать үткәрелде. Чарада катнашучыларны бәйрәмнең тарихы белән таныштырдылар, бу көнне кемнәрне хөрмәтләүләре турында сөйләделәр. Чарага "Геройлар даны белән горурланабыз» дигән китап-иллюстрация күргәзмәсе әзерләнде.

2024 елның 7 декабрендә Халыкара инвалидлар көненә Абде авыл китапханәчесе мәдәният йорты директоры белән берлектә «Игелек дөньяны коткара!" инвалидлар көненә багышланган акциягә кушылды һәм мөмкинлекләре чикләнгән кешеләр янына барып хәлләрен белеп кайтты. “Инвалид көне" — ул бәйрәм түгел. Бу-үзенчәлекле билге, ул җәмгыятькә янәшәдә физик мөмкинлекләре чикләнгән кешеләр булуын искә төшерә. Ул безгә җәмгыятьнең авыру һәм ярдәмгә мохтаҗ кешеләр турында кайгыртырга тиешлеген искә төшерә.

Бу көнгә Теләче балалар китапханәсе хезмәткәрләре «Коррупциягә каршы бергәләп» дигән әңгәмә үткәрделәр. Иң элек коррупция сүзенең мәгънәсе, аның эчтәлеге һәм чагылышы, аның белән ничек көрәшергә кирәклеге турында сөйләштеләр. Шулай ук, «Ришвәт нәрсә ул?» һәм «Ришвәт бүләктән нәрсә белән аерыла?» сорауларына җавап бирделәр. Китапханәчеләр фильм геройларындагы коррупция гамәлләренә мисаллар китерделәр һәм «Коррупциягә каршы тору турында» Россия Федерациясе Законының кайбер маддәләрен укыдылар һәм әлеге хокук бозулар өчен физик затларга нинди җаваплылык каралганлыгын белделәр.

Шул уңайдан, Югары Кибәхуҗа авылы китапханәсендә «Закон һәм җәмгыять коррупциягә каршы»  дип исемләнгән мәгълүмат бирү сәгате үткәрелде. Чараның максаты-укчыларда үз гамәлләре өчен җаваплылыкны үстерү, дәүләт законнарын үтәү кирәклеген аңлау, шулай ук актив тормыш позициясен формалаштыру кебек төшенчәләр булдыру иде. Балалар «коррупция» төшенчәсе белән таныштылар.

Россиянең истәлекле даталары тарихына күптән түгел, 2007 елда гына кергән бу бәйрәм. Данлыклы полководецлар да, кенәзләр дә, гади кешеләр дә каһарман булдылар. Безнең илдә геройлар күп. Барысы турында да сөйләп булмый. Ләкин без аларның батырлыкларын хәтерлибез, беләбез һәм горурланабыз. Бу вакыйгага китапханәдә «солдат Ватаны сакчысында тора» дигән күргәзмә рәсмиләштерелгән, анда СВО зонасында булган безнең егетләрнең фотолары тәкъдим ителгән. Без авылдашларыбыз белән горурланабыз. Шулай ук кече һәм урта мәктәп яшендәге балалар өчен китап күргәзмәсе әзерләнгән. Күргәзмә белән танышып, балалар Ватанны саклаучыларның батырлык һәм каһарманлык тарихына чумдылар. Күргәзмәдә төрле еллардагы геройларның батырлыклары турында мавыктыргыч хикәяләр куелды.

Халыкның хокукый грамоталылыгын арттыру һәм коррупциягә каршы гражданлык көрәше ысуллары турындагы белемнәрне популярлаштыру өчен «нәфис сүздә Коррупция» күргәзмәсендә әкиятләр, мәсәлләр, повестьлар, романнар тәкъдим ителәчәк, анда авторлар вак түрәләрнең кимчелекләрен мыскыл итәләр, аларны югарырак дәрәҗәдәге затлар алдында рыялануда гаеплиләр, акча куючы эре махинаторларның әхлакый төшү коточкычлыгы белән куркып калалар. Салтыков-Щедрин, Гоголь, Крылов, Фонвизин, Островский, Чехов, Лажечников, Сухово-Кобылин кебек рус язучылары үз әсәрләрендә коррупция темасын ачык итеп күрсәттеләр.

7 декабрь көнне Айдар авыл китапханәсендә "Пушкин картасы" программасы кысаларында фетрдан татар милли бизәкләре белән брошьлар ясау буенча чираттагы мастер-класс узды. Фетр бизәкләре көндәлек һәм бәйрәм киемнәрен камилләштерә ала, образларга яктылык, индивидуальлек бирә, аеруча кулдан ясалганнары зур кыйммәткә ия һәм искиткеч бүләк булырга мөмкин.