ЯҢАЛЫКЛАР

9 декабрьдә Субаш авылы мәдәният йорты хезмәткәрләре мөмкинлекләре чикле булган инвалидларны өйләренә барып котладылар, китапханәдә чаралар үтте. Аларга әхлакый ярдәм, игътибар һәм җылы сүз кирәк. Һәм без мәдәният хезмәткәрләре алар янына ел саен барабыз, бүләкләр һәм музыкаль котлаулар бирәбез. Без алар белән яңалыкларын уртаклашабыз. Зур проблемаларга карамастан-алар шат күңелле һәм мавыгучан кешеләр. Тик кенә утырмыйлар, бәйләүләр дә бәйлиләр, башка кул эшләре дә эшлиләр.

Бу көнгә Абде авыл китапханәсендә «Коррупциягә каршы бергәләп» дигән мәгълүмат сәгате үткәрелде. Чара барышында катнашучылар коррупция сүзенең мәгънәсен, эчтәлеген һәм чагылышын, аның белән ничек көрәшергә кирәклеген белделәр. Чарада катнашучылар коррупция темасына «ришвәт нәрсә ул?" дигән сорауларга җавап бирделәр. Мәктәп укучылары белән барлык илләргә һәм төбәкләргә кагыла торган бу катлаулы күренеш турында, коррупция Дәүләт төзелешен какшата һәм теләсә кайсы илнең, хәтта иң алга киткән илнең дә икътисадый үсешен туктата, дип сөйләштеләр. Балалар хөкүмәтнең аңа каршы нинди чаралар күрелүен, яшь буынның коррупциягә каршы көрәштә ничек ярдәм итә алуын белделәр.

Яшүсмерләрдә коррупциягә каршы дөньяви карашны пропагандалау һәм формалаштыру, хокукый аңны үстерү максатыннан, 6 декабрьдә Айдар авылы китапханәсендә «Коррупциясез киләчәк төзибез» дигән темага түгәрәк өстәл үткәрелде. Башта китапханәче коррупциянең нәрсә икәнлеге, аның төрләре турында сөйләде. Әлеге әңгәмә барышында коррупциянең нинди начар нәтиҗәләргә китерүе турында сүз алып барылды. Китапханәләр үткәргән коррупциягә каршы агарту эшләре халык арасында, шул исәптән яшьләр арасында хокукый аңның үсүен тәэмин итәчәк.

Коррупция-хәзерге заман җәмгыятенең кичекмәстән хәл итүне таләп итә торган иң җитди мәсьәләләренең берсе.   6 -8 декабрь көннәрендә Айдар авыл китапханәсендә халыкара коррупциягә каршы көрәш көне уңаеннан "Коррупциягә каршы көрәшү-һәркемнең эше" дип исемләнгән мәгълүмати күргәзмә эшләде. Мәгълүмати күргәзмәдә коррупцияне кисәтү, аңа каршы көрәшне яктыркан материаллар, буклетлар урын алды.

Әлеге декада кешеләрне   шәфкатьлелектә, мәрхәмәтлелектә сынау, мөмкинлекләре чикләнгән барлык кешеләр турында искә төшерергә кирәк булган көн. Безнең кешелек дәрәҗәбез ярдәмгә мохтаҗларга булган мөнәсәбәтебез белән үлчәнә. Язмышлары иркәләмәгәннәргә күңел җылысын өләшергә беркайчан да соң түгел. Без, сәламәт кешеләр, йөри, күрә, ишетә, эшли алган өчен шөкер кылып, янәшәбездәге инвалидларга мәрхәмәтле, ярдәмчел булырга тиешлегебезне аңлап һәм аларга игелек кылып яшәргә бурычлы

Шул унайдан 8 декабрь көнне Югары Кибәхуҗа авылы китапханәсендә «Язмышларга буйсынмас җаннар» исеме астында китап күргәзмәсе төзелде. Күргәзмәдә мөмкинлекләре чикле булып та талантлары чиксез булган шәхесләр, татар язучылары Фәнис Яруллин һәм Гакыйль Сәгыйровларның тормыш юлы һәм иҗатлары белән танышырга мөмкин.

9 декабрь – Ватан Геройлары көне. Әлеге дата уңаеннан Югары Кибәхуҗа авылы китапханәсендә «9 декабря –День Героев Отечества» дип исемләнгән китап күргәзмәсе эшли башлады. Һәр кеше дә герой булмый, ләкин геройларның тормыш юлы һәм эшләгән батырлыкларын күреп без сокланып яшибез. Күргәзмәгә куелган китаплар укучылар өчен Ватан тарихы турында сөйли, китап укучыларны үз ватаннарын сөяргә өнди. Геройларның курку белмәс батырлыкларын ачып бирә.

Халыкара инвалидлар көне кысаларында Югары Кибәхуҗа авылы китапханәчесе  мөмкинлекләре чикле булган авылдышы Галлямова Фидания  янына барып очрашты. Китапханәче Фиданияне матур китаплар белән сөендереп күчтәнәчләр бүләк итте.

Россия 2024 елның 9 декабрендә Ватан Геройлары көнен билгеләп үтә. Бу истәлекле дата Ватаныбызны Бөек саклаучыларның Екатерина II дән бүгенге көнгә кадәр батырлыкларын мәңгеләштерергә тиеш.. 1769 елда  Екатерина иң югары хәрби бүләкне — Изге Георгий Победоносец орденын гамәлгә куя

Ел саен 9 декабрьдә билгеләп үтелә. Бу көн-безнең өчен мөһим истәлекле дата, ул тарихи традицияләрне дәвам итү һәм илебез геройларының нинди батырлыклар кылулары турындагы хәтерне саклау булып тора.Бу көнне без үз гомерләрен санга сукмаган, Ватаныбызның азатлыгы һәм иминлеге, киләчәк буыннарның бәхете, тыныч күк астында яшәү мөмкинлеге хакына аларны кызганмаган геройларны хөрмәт һәм рәхмәт хисләре белән искә алабыз. Халкыбызның батырлыгын мәңгеләштерү, тарихи вакыйгалар истәлеген саклау, үсеп килүче буынга патриотик тәрбия бирү максатыннан 8 декабрь көнне Олы Мәтәскә авылы мәдәният хезмәткәрләре "Ватанның данлы уллары"исемле танып-белү сәгате үткәрделәр. Чара башлангыч сыйныф укучылары белән үткәрелде.