ЯҢАЛЫКЛАР

Элек-электән алып бүгенгесе көнгә кадәр җирдә эшләүче кешенең хезмәте иң авыр һәм иң кирәкле дип саналган һәм санала. 26 сентябрь көнне Урта Мишә авыл китапханәсендә клуб белән берлектә “Сезнең куллар – илне туйдыра” дип исемләнгән темага түгәрәк өстәл артында сөйләшү үткәрелде. Авыл хуҗалыгы хезмәтчәннәренең һөнәре, авыр хезмәте турында сөйләнелде. Матбугат чараларындагы авыл хуҗалыгы яңалыклары белән таныштырылды.

Бу китап фондын тулыландыру гына түгел, ә яңа авторларның әсәрләре белән танышу да. Кызыклы авторлар, төрле жанрлар китапханәгә килүчеләрне һәрвакыт сөендерә. Айдар авыл китапханәсе үзенең яраткан китап укучыларын, проза һәм поэзия яратучыларны «Китапны беренче укы!» исемле күргәзмәдә урын алган яңа китаплар белән танышырга матур әдәбият дөньясына чакырды. Китапханәче яңа тәкъдим ителгән әдәбиятка библиографик күзәтү ясады.  Кызыклы авторлар, китапларның төрлелеге, төрле жанрлар китапханәгә килүчеләрнең күңеленә хуш килде.

Теләче балалар китапханәсендә беренче сыйныф укучылары өчен экскурсия уздырылды. Чара башында китапханәче балаларны китапханә һәм аның фондыннан файдалану кагыйдәләре белән таныштырды. Балалар район китапханәсендә нинди басмалар барлыгын, аларны ничек кулланырга һәм башка бик күп нәрсәләр турында белделәр. Аннары әдәби викторина сорауларына җавап бирделәр. Ахырда, укучылар кызыклы мультфильм карадылар һәм әти-әниләре белән өйдә укырга үзләренә ошаган китапларын сайлап алдылар.

Районда «Хезмәткә һәм оборонага әзер " Бөтенроссия физкультура-спорт комплексына тест үткәрелде.Безнең мәктәптән ГТО нормаларын тапшыруда бер төркем укучылар катнашты.5 нче баскычта Җаббарова Фәридә,4 нче баскычта Саруханян Милена, 3 нче баскычта Гыйлаҗиева Мәдинә 1 нче урынны алдылар.Аларны котлыйбыз!

Бөтендөнья туризм көне уңаеннан Баландыш мәктәбенең Беренчеләр Хәрәкәте активистлары укытучылар белән бергә туристлык походына бардылар. Поход-яшүсмерләрнең гармонияле үсеше өчен менә дигән чара, ул табигатьне күрергә һәм тоярга мөмкинлек бирә торган спорт һәм ял формасы рәвешендә тормышка ашырыла.Болар барысы да дөньяга карашны киңәйтеп кенә калмый, белемгә, ачышларга кызыксынуны арттыра, кызыксынучанлыкны үстерә, туган якка мәхәббәт тәрбияли.

"Тәрбиячегә рәхмәт белдерәм.." дигән "Беренчеләр хәрәкәте"акциясендә катнашу-  тәрбиячеләргә рәхмәт белдерү өчен менә дигән мөмкинлек.

Бүген  мәктәпкә әзерлек төркемендә тәрбияләнүчеләр  “Алдынгылар хәрәкетнедә  катнашучы балалар  белән берлектә Теләче 3 нче номерлы

балалар бакчасында эшләүче тәрбиячеләргә   үз куллары белән ясаган

 йөрәкләрне бүләк иттеләр һәм һөнәри бәйрәмнәре белән котладылар!

Очрашу Казан шәһәренең «УНИКС» ның кече залында («Белем» Россия җәмгыяте студиясендә) узды. Безнең район делегациясеннән Олы Нырсы,Олы Кибәхуҗа, Үзәк балалар бакчалары тәрбиячеләре, Олы Мишә урта мәктәбенең мәктәпкәчә төркеме тәрбиячесе, «Мәгариф бүлеге»нең мәктәпкәчә белем бирү буенча методисты  Саетова А.Н., Теләче муниципаль районы “Алдынгылар хәрәкәте»нең  җирле бүлекчә җитәкчесе Сабирова А . Р., безнең Теләче 3нче номерлы балалар бакчасыннан методик эшләре буенча мөдир урынбасары Сафина Е.В.һәм мәктәпкә әзерлек төркеме тәрбиячесе Р. Г. Хуҗина катнашты. Семинарның төп темасы - балалар бакчаларында “Алдынгылар хәрәкете”нең методлары, практикалары, эше һәм  мәктәп шефлары белән үзара бәйләнешле чаралар, дәвамчанлык иде.

Теләче районының МБГУ «Теләче урта гомуми белем бирү мәктәбе»ендә «Иминлек дәресе» үткәрелде. Анда ТРның Теләче районы буенча Дәүләт техника күзәтчелеге бүлеге баш дәүләт инженеры-инспекторы Баев Ильфар Робертович тарафыннан квадроцикллар, кар машиналары, скутерлар һәм мотоцикллар белән идарә иткән вакытта юл һәлакәтләренә китерергә мөмкинлеге, шулай ук куркынычсызлык чаралар турында дәрес үткәрде.

Уенда Теләче урта мәктәбенең иң актив укучылары катнашты. Һәр команда 6 квест станциясен үтте: шигъри, әдәби, китап шаукымы һәм әкиятләр иле. Әдәби уенда катнашучылар әдәбият өлкәсендә белемнәрен, тапкырлыкларын күрсәттеләр. Чарада һәркем бик күп уңай тәэсирләр, яңа белемнәр алды һәм кызыклы әдәби басмалар белән танышты. Уен «Пушкин картасы» программасы кысаларында узды.

Китапханәдә «Берегись бед, пока их нет» дип исемләнгән китап күргәзмәсе оештырылды. Балалар үз эшләрен иҗат иткәндә үзләренең талантларын күрсәттеләр. Һәрбер рәсем юл хәрәкәте кагыйдәләрен үтәү һәм үз куркынычсызлыгы турында кайгыртуның мөһимлеген искә төшерүне күрсәтә. Конкурс тәмамланганнан соң җиңүчеләргә грамоталар тапшырылды.