ЯҢАЛЫКЛАР

11 марта 2022 года в МБОУ-Узякской средней общеобразовательной школе Тюлячинского муниципального района состоялся муниципальный этап Всероссийского конкурса юных чтецов «Живая классика – 2022».

Тәрбияче һәр һөнәр иясенең кирәкле икәнен аңлатты. Балалар  бүген пешекче һөнәре белән таныштылар. Пешекче балаларга аш-су пешергәндә чисталык булырга тиешлеген әйтте. Балалар аш пешерү тәртибен өйрәнде. Аннары үзләре кызыксынган сорауларны  бирделәр. Балаларга  пешекче һөнәре бик ошады. Һәр бала пешекчегә рәхмәт әйтеп баш иде. Чөнки һәр көнне кулга тотып ашаган икмәгебез, алар пешергән ризык.

Алан урта гомумбелем бирү мәктәбенең 3 сыйныф укучылары "Мин - тикшерүче" проектлар һәм тикшеренү эшләре конкурсында призлы урыннар яулады. "Кеше турында белем" юнәлешендә Кәримов С., Сибгатуллин И. беренче, Гайфуллина З. өченче урын яулады. "Төгәл фәннәр" юнәлешендә 1 сыйныф укучысы Шакиров А. өченче урынга лаек булды. Призерлар һәм аларны конкурска әзерләгән укытучыларны котлыйбыз, аларга киләчәктә зур уңышлар телибез.

8 нче март көнне Балалар иҗат үзәге өстәмә белем бирү педагоглары Галимҗанова Фәния Габделхак кызы, Набиулллина Рафилә Рафил кызы, Шаипова Раъно Исам кызы һәм Хазиева Айсылу Халит кызы тарафыннан “Туган авыл” күнел ачу комплексында Донецк Халык республикасыннан килеп, Казанның “Нихама” тернәкләндерү үзәгендә дәвалау курслары узучы балаларга һәм аларның әниләренә мастер-класс оештырдылар. Мастер-класста балалар әниләренә бүләкләр ясадылар. Мастер-класс бик җанлы узды.

11 март көнне Үзәк  урта мәктәбе базасында "Тере классика" Бөтенроссия яшь укучылар конкурсының район этабы узды . Конкурста Баландыш төп мәктәбенең 9нчы сыйныф укучысы Галләмов Мурат катнашты һәм матур чыгыш  ясады.

Татарстан Республикасы Министрлар Кабинетының 2021 елның 25 мартындагы 165 номерлы карары белән расланган 2021-2025 елларга Татарстан Республикасында кулланучылар кооперациясен үстерү концепциясен тормышка ашыру чаралары  кысаларында Олы Нырсы урта мәктәбендә каен һәм нарат бөреләре җыю бара. Витаминнарга, микроэлементларга, кирәкле химик кушылмаларга, эфир майларына бай булган файдалы чимал алу өчен аның өлгерүен көтәргә кирәк.

9нчы март көнне Баландыш мәдәният йортында, авыл җирлеге башлыгы Рөстәм Мөхәммәтшин җитәкчелегендә һәм Татарстан республикасының “Наз” хәйрия фонды белән берлектә, “Хатын-кыз – милләтнең җаны” дип исемләнгән очрашу кичәсе оештырылды. Әлеге чара үзләренең тормыш юлларын авыр хезмәткә багышлаган, язмышның төрле сынауларын кичергән гүзәл затларыбызны зурлау һәм хөрмәт күрсәтү максатыннан үткәрелде.Без китапханә һәм мәдәният хезмәткәрләре чәй табыны һәм концерт әзерләдек. Бәйрәмдә районыбыз башлыгы Хаҗипов Нәҗип Нәкыйп улы, Теләче муниципаль район башлыгы урынбасары Фатхуллин Айрат Гилван улы да катнаштылар. “Наз” хәйрия фонды җитәкчесе Сайфутдинова Нурания Фердобаевна гүзәл затларыбызны бәйрәм белән котлап, бүләкләр тапшырды..

11 мартта Алан урта гомумбелем бирү мәктәбендә "Сәламәтлек көне" уздырылды. Пандемия чорында сәламәтлекне ныгыту зур игътибар таләп итә. Әлеге чарада мәктәбебезнең барлык укучылары да актив катнашты, сәламәт яшәү рәвеше буенча практик белемнәр туплады. Сәламәтлек көне барыбызга да яхшы кәеф алып килде.

Хезмәт тәрбиясе- үсеп килүче буынны тәрбияләүнең иң мөһим якларының берсе.Тәрбияче Нурисламова Р.Р. тарафыннан хезмәт тәрбиясе бирү буенча даими эш алып барыла.Хезмәт тәрбиясе балаларның өлкәннәр хезмәте турындагы күзаллауларын киңәйтә, кешенең хезмәт нәтиҗәләренә сакчыл мөнәсәбәттә булырга, балаларны башлаган эшне азагына кадәр җиткерергә өйрәтә.Хезмәт эшчәнлеге аркасында балаларның гомуми үсеш дәрәҗәләре арта,төрле яклап кызыксынучанлыклары киңәя.Балалар белән бергәләшеп эшләү,кирәк вакытта киңәш белән ярдәм итү, балаларның кечкенә генә уңышларына да сөенү, мактау-бала шәхесендә иң яхшы сыйфатларны тәрбияләргә ярдәм итә.

Язның беренче бәйрәме 8 март Халыкара хатын-кызлар көне уңаеннан Иске Җөри авылы мәдәният йортында мәдәният хезмәткәрләре “Кызлар-йолдызлар” дип исемләнгән музыкаль кичә үткәрелде. Гүзәл затлар “Яз гөлләре” һәм “Шаян йолдызлар” командаларына бүленеп көч сынаштылар. Аларны һәм барлык хатын-кызларны бәйрәм  белән авыл җирлеге башлыгы Раил Мараков котлады. Кичә матур җырлар, күңелле уеннар, биюләр  белән үрелеп барды.