ЯҢАЛЫКЛАР
ТАССРның 100 еллыгы уңаеннан Күкчә авыл китапханәсендә, Күкчә авыл клубы белән берлектә, “Үткәннәрне искә алып...” дип исемләнгән күргәзмә оештырылды. Күргәзмәгә шушы елларда алдынгы булып эшләгән терлекчеләр, сыер савучылар турындагы мәглүмат куелды. Шулай ук күргәзмәдә шул чорга кагылган экспонатлар да урын алды.
Аның нәкъ 21 март – көн һәм төн озынлыгы тигезләшкән чорда уздырылуы очраклы түгел. Бу көн табигать һәм кеше рухының үзгәрү көне буларак та билгеле. Әлеге көн уңаеннан Иске Җөри авылы китапханәсендә “Шигырь күңелнең көзгесе” дип исемләнгән китап күргәзмәсе куелды
Бер генә гаиләне дә куркыныч сугыш читләтеп үтмәде. Һәр гаиләдә тынычлык өчен гомерләрен кызганмаган, фронтта батырларча көрәшкән, тылда гомерләрен саклап калган кешеләр турында хәтерлиләр. Ата-бабаларыбызның батырлыкларын киләчәк буыннар хәтерләсен һәм олыласын өчен безнең көчебездән килгәннең барысын да эшли алабыз.
21 март көнне Олы Нырсы авыл китапханәсендә иҗади берләшмәгә йөрүче укучылыр белән “Кошлар – безнең дусларыбыз” – дип исемләнгән конкурс булып узды. Әлеге конкурста укучылар кошлар турында табышмаклар, кошлар язмышы турында хикәяләр, аларга карата мәкальләр әйттеләр, рәсемнәр ясадылар.
Беренче тапкыр 2006 елның 21 мартында "Даун-синдром" Европа һәм Бөтендөнья ассоциацияләре инициативасы белән Халыкара Даун синдромлы кешеләр көнен билгеләп үтте. Олы Нырсы авылы китапханәчесе Даун синдромылы Ләйсән Багманова өендә булды. Очрашу барышында Ләйсәнне балалар өчен кызыклы китаплар белән таныштырды.
Укучылар Цветаева, Пастернак, Рубцовның шигырьләрен укып, янәдән үзләре өчен шагыйрьләрнең якты, бай эчке дөньясын ачып җибәрделәр.
22 март көнне Кече Мирәтәк авыл клубында , яшьләре арасында «Без сәламәт тормыш яклы» дигән исем астында шахмат, шашка һәм теннис ярышлары буенча турнир уздырылган.
Бу бәйрәмне ел саен 21 нче мартта билгеләп үтәләр. Шигърият – кешелекнең иң уңышлы казанышы. Бар кеше дә шагыйрь булып китә алмый, ләкин һәрбер кешенең үз гомерендә шигырь язып караганы бар. “Бөтендөнья шигърият көне” беренче тапкыр 2000 нче елның 21 нче мартында Парижда ЮНЕСКО ның штаб -квартирасында билгеләп үтелә. Әлеге датага багышлап Урта Мишә авыл китапханәсендә “Шигърият – йөрәкнең җанлы бәйләнеше” исемле күргәзмә куелды.
Сәламәт булырга теләмәгән кешене күз алдына да китерүе кыен. Чөнки сәламәтлек-иҗтимагый үсешнең мөһим күрсәткече. Без кешеләрнең сәламәтлеген ныгыту,төрле авыруларны профилактикалау проблемасын бик актуаль дип саныйбыз, шуңа күрә даими рәвештә әңгәмәләр, газета-журналларга һәм әдәбиятка күзәтү үткәрәбез. Алан авыл китапханәсендә, авыл мәдәният йорты белән берлектә, медицина хезмәткәре Хәсәнова Н. катнашында «Сәламәт буласың килсә...» дигән темага чара узды. Чара барышында китап күргәзмәсенә күзәтү ясалды,әңгәмә үткәрелде.Катнашучылар өчен буклетлар әзерләнде
ТАССРның 100 еллыгы уңаеннан, 19 март көнне Шәтке авылында Ватаныбыз, халкыбыз тарихына, мәдәниятенә багышланган “ТАССР тарихында – авылым чагылышы” дип исемләнгән тематик кичә үткәрделәр. Әлеге кичәдә 1952-1959 елларда ТАССР Югары Советы рәисе булып эшләгән Шәтке авылында туып үскән Низамов Сәлах Низам улы турында сөйләнде. Шулай ук ТАССР чорында эшләгән авылдашлар турында күп чыгышлар булды. Кичә җырлар, биюләр белән үрелеп барды. ТАССР һәм авыл тарихлары турында презентация күрсәтелде. Шигырьләр, истәлекләр укылды.