ЯҢАЛЫКЛАР
15 – 17 нче гыйнвар көннәрендә инглиз теле фәне буенча “ Олимпка юл” республика олимпиадасының йомгаклау этабы булып узды. Инглиз теленнән республика олимпиадасында Теләче урта гоумбелем мәктәбе укучылары Галиуллина Иркә һәм Яруллин Рәсүл катнаштылар. Йомгаклау этабында укучылар призер булдылар , Татарстан Республикасы Мәгариф һәм фән министрлыгының дипломы белән бүләкләнделәр. Укучыларны республика олимпиадасына чит тел укытучылары А.С. Гыймаева һәм Л.Г. Алексева әзерләде. Зур уңышларыгыз белән котлыйбыз!
18 январь көнне Субаш авыл спорт залында Питрoч районы Сәрдә авылы яшьләре белән Субаш авыл яшьләре арасында волейбол ярышы уздырылды. Әлеге уенда 3: 1 исәбе белән Субаш авыл яшьләре җиңү яуладылар.
2020 елның 17 гыйнварында Саба районы Сатыш авылында көрәш буенча 2004-2005, 2006 нче елда туган һәм аннан да яшьрәк егетләр арасында яңа ел турниры булып үтте. Барлыгы 2 районнан 100-дән артык спортчы катнашты. «Теләче» спорт мәктәбеннән дә көрәшчеләр унышлы чыгыш ясады.
20 январьда Алан урта гомумбелем бирү мәктәбендә хокук бозуларны кисәтү буенча профилактика Советы утырышы булды. Аның эшендә район мәгариф бүлеге педагог-психологы Хаҗипова С.Н., Шалахметов Р.Н., Заһидуллин Б.Х. катнашты. Хокук бозуларны киметү максатыннан сыйныф җитәкчеләренә контрольне тагын да көчәйтергә дигән фикергә киленде.
Бу вакыйга уңаеннан, Субаш авыл китапханәсендә ТАССР төзелү тарихы, аның үсеше, мирасы белән бәйле, «Татарстан – уртак йортыбыз» дип исемләнгән күргәзмә оештырылды. Күргәзмәдә татар һәм рус телләрендә, хәзерге заман һәм шулай ук элеккерәк елларда нәшер ителгән китаплар урнаштырылган.
Бу дата уңаеннан, Субаш авылы китапханәчесе Петрова Л. ел дәвамында китап укучыларга тәкъдим ителәчәк «Ялкынлы еллар хәтере» дип исемләнгән китап күргәзмәсе оештырды. Бөек Ватан сугышы турындагы китаплар безнең өчен иң кадерле, иң изге китаплар булды. Безнең арада исән фронтовиклар азая бара, яшь буынга халкыбызның, ата-бабаларыбызның үлемсез батырлыгы турындагы китаплар кыйммәтрәк булырга тиеш. Китапханә укучыларны әдәби китаплар аша Бөек Ватан сугышы сулышын тоярга чакыра.
Бу дата уңаеннан, Субаш авылы китапханәчесе Петрова Л. ел дәвамында китап укучыларга тәкъдим ителәчәк «Ялкынлы еллар хәтере» дип исемләнгән китап күргәзмәсе оештырды. Бөек Ватан сугышы турындагы китаплар безнең өчен иң кадерле, иң изге китаплар булды. Безнең арада исән фронтовиклар азая бара, яшь буынга халкыбызның, ата-бабаларыбызның үлемсез батырлыгы турындагы китаплар кыйммәтрәк булырга тиеш. Китапханә укучыларны әдәби китаплар аша Бөек Ватан сугышы сулышын тоярга чакыра.
Яңа ел бәйрәмнәрен кардан ясалган сыннарсыз күз алдына китереп булмый. Баландыш төп мәктәбе коллективы кар сыннары белән ишегалдын бизәү конкурсында бик теләп катнашты. Теләче муниципаль районы Башкарма комитеты җитәкчесе Хаҗипов Нәҗип Нәкыйп улы мәктәп директоры Хузин Й.Р ка кар сыннары белән мәктәп янын бизәүдә тырышлыклары өчен бассейнга барырга сертификат тапшырды. Котлыйбыз!
18 нче гыйнвар көнне Яр Чаллы шәһәрендә «Мини - футбол в школу» дип исемләнгән республика футбол ярышларының финал этабында Теләче урта мәктәбе яшь спортчылары призлы урыннарга лаек булды. 2004-2005 нче елгы кызлар командасы - 2 нче урын , 2002-2003 нче елгы малайлар командасы 5 нче урынны яуладылар. Командаларны өстәмә белем бирү педагоглары А.Р. Хәбиров, Р.Г.Хәбиров., физик тәрбия бирү укытучылары Р.Р.Хәкимов, Р.Р. Нәҗипов һәм Б.Р. Сәләхиев әзерләде. Җиңүләрегез белән котлыйбыз , зур уңышлар теләп калабыз!
Айдар авыл мәдәният йортында ТАССРның 100 һәм Җиңунең 75 еллык юбилейлары уңаеннан "2020 Россиядә Хәтер һәм Дан елы" исемле стенд эшләнеп куелды.