Бөтенроссия акциясендә катнашты.

2020 елның 14 феврале, җомга

14 февраль көнне Теләче балалар китапханәсе Халыкара китап бүләк итү көненә багышланган «Дарите книги с любовью» исемле дүртенче Бөтенроссия акциясендә катнашты. Ул балаларга китап бүләк итүчеләрне һәм китап укуга мәхәббәт тәрбияләүчеләрне берләштерә торган иң яшь бәйрәмнәрнең берсе. Бу акциядә безне Майсурадзе һәм Белоусовлар гаиләләре хуплады. Яратып бүләк ителгән китаплар китап киштәләрендә үз урыннарын табачак. Чөнки китап – бүгенге көндә иң яхшы бүләк, аның ярдәмендә без мәдәниятебезне алга этәрәбез һәм үзтәрбиябезне арттырабыз. Киләчәктә әлеге акциядә катнашучылар тагын да күбәер һәм яңа энтузиастлар табылыр дип өметләнәбез.