ЯҢАЛЫКЛАР
Олы Мишә урта мәктәбендә Яңа ел бәйрәме рухы. Укучылар икенче чирекне уңышлы тәмамлау өчен тырышалар, шул ук вакытта бәйрәм җиткәнен дә онытмыйлар. Сыйныф бүлмәләре, коридорлар бәйрәмчә бизәлде. Балалар Яңа ел тамашысына җырлы-биюле чыгышлар әзерлиләр. 1-5 нче сыйныф укучылары әти-әниләре ярдәме белән “Могҗизалы Яңа ел!” конкурсына макетлар ясадылар.
Яңа ел – иң көтеп алынган, могҗизалы бәйрәмнәрнең берсе. Һәркем аны матуррак, истә калырлык итеп каршыларга тырыша. Баландыш төп мәктәбендә дә Яңа елга әзерлек эшләре башланды. Үзебезне скульпторлар ролендә хис итеп, кардан әкият геройларының сыннарын ясадык.
Нәкъ менә ул «Крокодил Гена һәм аның дуслары», «Чебурашка һәм аның дуслары», «Отпуск крокодила Гена», «каникул в Простоквашино», «Дядя Федор, пес и кот», «Колобок идет по следу» кебек искиткеч әсәрләр иҗат иткән. Успенский мультфильмнар сценарие авторы буларак чыгыш ясады, аларның күбесе тамашачыларны берничә буын ярата. 23 декабрь көнне Әбде авыл китапханәсендә «Эдуард Успенскийның әдәби геройлары парады» дип исемләнгән чара узды. Уен барышында балалар язучының иҗаты белән таныштылар, ә соңыннан әсәрләр битләре буйлап виртуаль сәяхәткә киттеләр. Укучылар конкурсларда бик теләп катнаштылар .
22 декабрь көнне Шәтке авылы китапханәсендә башлангыч сыйныф укучылары өчен "Исәнме яңа китап" дип исемләнгән информация көне үтте. Китапханәче яңа кайткан балалар китапларына күргәзмә ясап куйды һәм күргәзмәдәге китапларга күзәтү үткәрде.
Алар арасында матур әдәбият, шигърият, сәнгать һәм тарих сөючеләр өчен дә китаплар бар. Шул уңайдан Казаклар авылы китапханәсе үзенең укучылары өчен “Яңа елда, яңа китап” дигән китап күргәзмәсе оештырды. Китапханәче Альбина Рәхмәтуллина укучыларны яңа китаплар белән таныштырды. Әлеге китаплар укучыларыбыз күңеленә хуш килер дип уйлыйбыз. Яңа елны яңа китап белән башлагыз. Бәхетле Яңа ел сезгә!
Айдар авыл китапханәсе сезнең игътибарга китапханәгә яңа кайткан китаплардан төзелгән «Яңа елга яңа китап белән!" дип исемләнгән күргәзмә тәкъдим итә. Яңа ел ялларында вакытыгызны бушка уздырмыйча, китап белән бергә булыгыз! Китапханә ишекләре сезнең өчен һәрвакыт ачык!
Конкурста катнашу өчен үз кулларың белән ясалган кош җимлекләренең иң оригиналь конструкцияләре кабул ителде. Бу конкурста Баландыш авыл китапханәсе "Хәзинә" клуб берләшмәсе катнашты һәм катнашкан өчен диплом белән бүләкләнде.
2019 ел тәмамлана. Россия әһәмиятендәге иң мөһим компания-халык санын алу көннән-көн азая бара. Районда җанисәпне уңышлы үткәрүдә ВПН-2020 әзерлек этабында катнашучыларның үзара хезмәттәшлеге дәрәҗәсе мөһим шарт булып тора.
25 декабрь көнне көндезге 12:00 сәгатьтә 15:00 сәгатькә кадәр Теләче авылының Садовая урамында Яңа ел ярминкәсе узачак. Ярминкәдә авыл хуҗалыгы продукциясе, көнкүреш товарлары сатыла. 14:30 сәгатьтә авыл җирлекләреннән бизәлгән автоколонна уза. 15:00 сәгатьтә Төп чыршыны ачу тантанасы була. Бәйрәмгә килүчеләр оешмалар Кыш бабайлары парадының да матур мизгелләрен күрәчәк.
21 декабрь көнне Теләче муниципаль районы Советының актлар залында "Кулланучылар хокукларын яклау" дигән темага үткәрелгән республика олимпиадасында җиңгән укучыларны бүләкләү тантанасы булып узды. Олы Мәтәскә урта мәктәбенең 10 сыйныф укучысы Нигматзянов Данис "Татар телендә кулланучыларның хокукларын өйрәнүдә уңышлары өчен" номинациясендә призер булды . Данис Мәгариф һәм Фән министрлыгы грамотасы һәм истәлекле бүләк белән бүләкләнелде . Җитәкчесе - тарих һәм җәмгыять белеме укытучысы Бикчантаева Диләрә Мәүлетҗан кызы.