ЯҢАЛЫКЛАР
Бу ялларда укучылар, мәктәптә оештырылган төрле чараларда , бәйгеләрдә катнашып, рәхәтләнеп ял иттеләр.Сыйныф җитәкчеләре белән бергә чаңгыда, тимераякта күмәк шуу балаларга бигрәк ошады. Кайбер укучылар республика олимпиадаларына, ә кемнәрдер булачак БДИларга ныклап әзерләнде. Балалар шулай ук тимурчылык эшен дә онытмадылар:ялгыз өлкәннәргә кар көрәргә ярдәм иттеләр.
Бүген мәктәп укучылары өчен иң озын өченче чирек башланды.
Хәерле сәгатьтә!
Бәйрәм чарасы җыр – биюләр, күңелле уеннар белән үрелеп барды. Яңа елның күрке - Кыш бабайлар белән Кар кызлары да авылдашларын котлап, ихлас теләкләрен җиткерделәр.
Китапханәчеләр яңа ел бәйрәменә җаваплы әзерләнделәр. Яңа ел программасын авыл үзешчәннәре дәвам итте. Тамашачылар өчен төрле кызыклы уеннар оештырылды.
Бу бәйрәмдә катнашучы балалар төрле әкият геройлары булып киенеп, һәрберсе үзенең ролен башкарды. Бәйрәмдә кызыклы уеннар уйналды, балаларга бүләкләр тапшырылды. Һәр бала бәйрәмнән кәнагать булып, укырга яңа китап алып өйләренә таралды.
Китап яратучылар өчен китапханәләргә килеп, матур әдәбият белән танышу үзе бәйрәм. Яңа 2019 нчы елга аяк баскач, Урта Мишә авыл китапханәсендә, иң өлгер китап укучылар булып Сафиуллин Ильмир белән Сагдиев Салаватлар китапханә елъязмасына кереп калды. Аларга истәлекле бүләкләр тапшырылды.
Соңыннан балалар уеннар уйнадылар. Без төрле конкурслар оештырдык һәм ахырда «Ангелочек» һәм "Яңа ел кар бөртекләре" кул эшләнмәләре ясау буенча мастер-класс үткәрдек.
Әлеге викторина ярдәмендә без китап укучыларны Раштуа тарихына, аның традицияләренә һәм гореф-гадәтләренә җәлеп итәргә тырыштык. Ә андагы кызыклы сораулар балаларның танып-белү һәм коммуникатив күнекмәләрен үстерергә ярдәм итәр дип ышанабыз.
Бажов әкиятләре буенча уеннар үткәреп без китап укучыларның туган як әдәбияты турында күзаллауларын киңәйтергә, балаларны авторның укылган әсәрләре буенча иҗади - эмоциональ эшчәнлеккә тартырга тырыштык. Шулай ук П. Бажовның тормыш юлы белән таныштырылды һәм «Малахитовая шкатулка» җыентыгындагы хикәятләрен тагын бер кат укып чыгарга тәкъдим ителде.
Бу күңелле кичәдә авылдашларыбыз гына түгел, читтә яшәүчеләр дә катнашты. 31 декабрьда "Яңа ел тамашасы" исемле яна елны каршылау кичәсе булып үтте.