ЯҢАЛЫКЛАР

         22 август көнне районыбызның яшь көрәшчеләре  «Теләче» балалар һәм яшүсмерләр спорт мәктәбе тренерлары Райнур Шәмсетдинов  һәм Венер   Әскәров  җитәкчелегендә Казанда “Ак Барс” Көрәш сараенда узган “Батырлар бәйгесе” турнирын карарга бардылар.

Әлеге бәйрәм бездә бөек илебез, ватандашларыбыз алдында горурлык хисләре уята.

     19 август көнне Теләче Үзәк балалар китапханәсендә шушы дата уңаеннан «Флаг – России честь и знак» дип исемләнгән күрсәтмәле күргәзмә оештырылды, анда Россиянең дәүләт символлары турында китаплар һәм журналлар куелган иде.

      18 август көнне Күкчә авылы китапханәсендә язучы һәм драматург Туфан Миңнуллинның тууына  80 ел (1935-2012) булу уңаеннан «Талантлы һәм халыкчан драматург» дип исемләнгән күргәзмә оештырылды. Күргәзмәгә язучының әсәрләре куелды, аннан  укучылар бик теләп файдаланды.

14 август көнне Олы Нырсы һәм Иске Карабаян авылы китапханәчеләре    балаларны күп гасырлар буе  тарихын саклаучы “Зөлката” изгеләр каберлеге, изгеләр чишмәсенә экскурсиягә алып бардылар. Алар тарафыннан әлеге изгеләр турында  мәгълумат бирелде, балаларга төбәк тарихын тирәнтен өйрәнергә һәм кадерләп буыннан – буынга сакларга кирәклеге әйтелде. Соңыннан балалар китапханәчеләр әзерләгән тәм – томнар белән сыйландылар.

Казаклар авылы китапханәсе каршында эшләп килүче “Ахирәтләр мәҗлесе” берләшмәсе әгъзалары Олы Кибәхуҗа авылында клуб ачылу тантанасына әзерләнәләр. Алар анда “Орчык өмәсе” күренешен күрсәтәчәкләр.