ЯҢАЛЫКЛАР
24 август көнне Иске Җөри авылы китапханәчесе чишмәләрне барлау һәм чистарту максатыннан, балалар белән «Изге чишмә»гә экскурсия оештырды. Бу сәяхәттә китапханәче балаларны чишмәләрнең тарихы белән таныштырды, аларның кайда, ничек килеп чыгулары турында мәгълүмат бирде.
2015 елның 24 август көнендә район мәдәният йортында беренче сыйныфка баручы 130 бала өчен зур тантана уздырылды. “Мәктәпкә әзерләнергә булыш” акциясы кысалары эчендә, әлеге балаларга мәктәп өчен кирәк-яраклар белән тутырылган портфель тапшырылды.
23 август көнне Иске Җөри авылы китапханәсендә Татарстанның һәм Россиянең драматургы, прозаигы, җәмәгать эшлеклесе, Татарстанның Дәүләт бүләкләре лауреаты Туфан Миңнуллинның тууына 80 ел тулу уңаеннан “Драмаларда күӊел дөньябыз” дип исемләнгән китап күргәзмәсе эшли башлады. Китапханәче укучыларны язучының тормыш юлы һәм иҗаты белән таныштырды.