ЯҢАЛЫКЛАР

Бөек Җиңүнең 70 еллыгы уңаеннан Субаш авыл мәдәният хезмәткәрләре Романова Татьяна, Петрова Лидия тыл ветераннарының өйләренә барып, хәлләрен белешеп йөрүне дәвам итәләр.

 Бүген алар Алексеева Анна түтинең өенә барып бүгенге матбугат белән таныштырдылар. Өй эшләрендә булышып, йорт тирәләрен кар боздан чистарттылар. Тормыш иптәше, балалары да булмаган ялгыз яшәүче Анна түти мәдәният хезмәткәрләренә зур  рәхмәтләрен әйтеп озатып калды.  

Бөек Җиңүнең 70 еллыгы уңаеннан армия сафларында хезмәт итүче егетләребезне зурлау безнең олы бурычыбыз булып тора.

Чөнки илебезнең иминлеген саклау һәрвакыт ир атнынң  изге бурычы. Шул уңайдан без Югары Мәтәске авыл активы, армия сафларныда  булып кайткан Ильгизәр Хакимовның өендә очрашу уздырдык.

24нче март көнне Урта Мишә авылы клубында “Спорт-ул сәламәтлек-дигән исем астында спорт ярышлары узды.

Ярышта бик теләп балалар катнашты. Алар шашка, шахмат, теннис ярышлары төрләре буенча  көч сынаштылар. Ахырдан аларга истәлекле бүләкләр тапшырылды. 

Бөек Җиңүнең 70 еллыгы уңаеннан Ачы мәдәният йорты хезмәткәрләре Екатериновка авылында яшәүче сугыш ветераны Секарин Борис Иванович белән очрашуда булдылар.

Очрашу вакытында ветеран узган тормышын, сугыш вакытында ничек яшәүләре турында искә алды. Ветеран сөйләгәннәре диктофонга яздырылды. Орден һәм медальләрен фотографиягә төшерделәр. 

Ачы авылы мәдәният йортында кул эшләре белән шөгыльләнергә яратучы «Заря» исеме астындагы берләшмэ эшләп килә.

 Берләшмәгэ балалар бик теләп йөриләр. Үз куллары белән яңадан яңа сувенирлар ясарга өйрәнәләр.  Соңгы  очрашуда алар пластик  савыттан чәчәк вазалары ясадылар. 

24 нче март көнне Урта Мишә авыл китапханәсендә Бөек Җиңүнең 70 еллыгы уңаеннан “Утлы еллар кайтавазы” дип исемләнгән патриотик сәгать үткәрелде.

Китапханәче укучыларга, язучыларыбызның Бөек Ватан сугышы елларында халкыбыз батырлыгын сүрәтләгән әдәби әсәрләр һәм публицистик язмалар тәкъдим итте. “Сугыш кайтавазы эзләреннән” исемле күргәзмәгә күзәтү ясады.

24 март көнне башлангыч сыйныф укучылары, укытучылары Гөлсинә Гарипова җитәкчелегендә Казаклар авыл китапханәсенең кунаклары булдылар.

Авыл китапханәчесе Альбина Рахматуллина укучыларны китап белән сак эш итү кагыйдәләре белән таныштырды. Аннан соң китап дөньясына кызыклы сәяхәт булды, укучылар яңа китаплар белән таныштылар, кызыклы мультфильмнар карадылар.Үзләренә охшаган китапларны алып өйләренә таралыштылар.

24 март көнне Югары Кибәхуҗа урта мәктәбендә, 11 класс укучылары сайлап алу фәннәреннән Бердәм дәүләт имтиханы бирделәр.

5 укучы биология фәненнән, 3 укучы җәмгыять белеме һәм физикадан,1 укучы инглиз теленнән үзләренең белемнәрен тикшереп карадылар. Имтиханнар югары дәрәҗәдә оешканлык белән үтте. Видео күзәтү куелды. Имтиханнарның  тикшерү үзәгеннән нәтиҗәләрен генә көтәсе калды.Укучыларга уңышлар телибез.

Имтиханнарга әзерлек.

24 нчы март көнне Теләче урта мәктәбендә чыгарылыш сыйныф укучылары өчен,  дәүләт имтиханнарына әзерлек максатыннан,  Казан милли  техник эзләнү- тикшеренү университеты  укытучылары  рус теле, математика һәм физика фәннәреннән консультацияләр үткәрделәр.  

Бүген мәктәптә Шарипова З.Р. 1-4 нче сыйныф укучылары өчен “Күнелле стартлар “ уенын үткәрде.

Чараның максаты: сәламәт, актив яшәү рәвешен пропагандалау. Укучылар, “ Дельфиннар” һәм “Пингвиннар” командаларына бүленеп, күңелле  спорт ярышларында осталыкларын күрсәттеләр.