Муниципаль районнар Теләче муниципаль районы

ЯҢАЛЫКЛАР

март, 2015 ел

җомга

21 март –Халыкара урман көне билгеләнеп үтелә.

Иске Җөри урта мәктәбенең һәр классында бүген “Урман дәресләре” үткәрелде. Укучыларга презентацияләр, видеороликлар күрсәтелде.

Әкияттә кунакта.

Бүген мәктәбебездә инглиз теле атналыгы кысаларында “Әкияттә кунакта” дигән әдәби иртә узды. 1нче сыйныф укучылары инглиз телендә ”Шалкан “әкиятен сәхнәләштерсәләр, 5нче сыйныфлар “Күмәчкәй” әкиятен матур итеп уйнап күрсәттеләр.

"Җиңүгә илткән юллар" исемле конкурс- фестивальдә, авыл җирлекләре арсында куелган спектакль белән 1 нче урында Айдар авылы үзешчәннәре көче белән куелган, Сәит Шакуровның " Саф күңелгә тап төшми" әсәре җиңү яулады.

Айдар авылы мәдәният йортында оешкан " Сәхнә" драм берләшмәсендә теләп йөрүчеләргә әлеге җиңү канатлар куйды һәм алга таба да рухланып эшләү дәрте тудырды. " Сәхнә" берләшмәсенең коллективы бүгенге көндә янәдән район сәхнәсендә әлеге әсәрне куяр өчен репетицияләрне башлап җибәрде.

Язгы чорда сулыкларда куркынычсызлык таләпләре.

Югары Кибәхуҗа урта мәктәбендә 20 март көнне “Язгы чорда сулыкларда куркынычсызлык таләпләре” темасына гомуми мәктәп линейкасы һәм сыйныф сәгатьләре үтте.

Бөек Җиңүгә 70 ел!

Бөек Ватан сугышына Алан авылы җирлегеннән дә бик күп кеше китә. Ул чорларда сугышта булучыларга гына тугел, авылда калганнарга да бик авырга туры килә. Бүгенге көндә Күкчә авылында 16 тыл һәм бер сугыш ветераны сау-сәламәт булып, балалары тәрбиясендә яшиләр.

21 март көнне Балык Бистәсе районының Ямаш авылы мәдәният йортында Республика күләм «Иске Казан – түгәрәэк уен» фестивале булып узачак.

Фестивальдә Субаш авыл клубында эшләп килүче «Нардуган» керәшен фольклор ансамбле дә чыгыш ясаячак.

Уздырыла торган репетиция өлешендә клуб мөдире һәм китапханәче актив рәвештә катнашалар.

20 март көнне Балалар китапханәсендә П.П. Ершовның тууына 200 ел уңаеннан иҗаты буенча «За коньком – горбунком , в сказку русскую войдем» дип исемләнгән презентация күрсәтелде.

Презентация кече сыйныф укучылары өчен әзерләнде. Ахырдан балалар «Конёк - горбунок» дип исемләнгән мультфильм карадылар һәм канәгать калдылар.

Сәламәтлек акциясе.

19 нчы март көнне Теләче урта мәктәбендә “ Сәламәт яшәү рәвеше” дигән акция үтте.

20 нче март көнне Иске Җөри авылы китапханәчесе Гильмутдинова Рузалия тыл ветераннарыныӊ өйләрендә булды.

Аларны газета-журналлар, яӊа кайткан китаплар белән таныштырды. Алар да үзләренеӊ хатирәләре белән уртаклаштылар. Тыл ветераннарыныӊ хезмәте хөрмәткә лаек.

Киңәшләр белән мөрәҗәгать итә.

Татарстан Республикасының атказанган укытучысы, Мәгариф отличнигы күп китаплар авторы, Максабаш авылы ветераннар советы председателе Тәнзиләэ апа Шәрәфиева янына Максабаш авылы мәдәният йорты директоры Зульфия Гаязова һәрвакыт киңәшләр белән мөрәҗәгать итә.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ