ЯҢАЛЫКЛАР

Буген инглиз теле атналыгының дүртенче көне.

Мәктәбебезнең  1-5 класс укучылары арасында КВН дәрес  үткәрелде. Әлеге чара бик күңелле булды. Шулай ук мәктәп күләмендә “Бөекбритания сувениры “ конкурсы да узды, нәтиҗәләр ясалды.

Класстан тыш чара “Хуҗабикә”.

Теләче урта мәктәбендә  бишенче сыйныф укучы кызлары арасында “Хуҗабикә” дигән класстан тыш чара булып үтте. 

Бадминтон.

18 нче март көнне Лесной төп гомумбелем  бирү мәктәбе  командасы,  “ Батыр” спорткомлексында  1999  - 2000  елгы укучылар арасында  бадминтон  буенча үткәрелгән     X  укучылар Спартакиадасы ның  муниципаль   турында катнашып, 2 нче  урын яулады. Физкультура укытучысы – Шаяхметов Шамиль Альбертовичны , Гайбадуллин Илмирны, Сагитов Инсафны, Бламыкова Диананы, Зәйнетдинова Ләйсирәне уңышлары белән котлыйбыз. 

Республика күләм фестивальләрдә катнашу өчен район мәдәният йортнында коллективларның репетицияләре бара.

“Агыйдел” татар фольклор ансамбле 21 март көнне Балык Бистәсе районың  Ямаш мәдәният йортында узачак “Иске Казан – түгәрәк уен” фестиваленә әзерләнәләр. Алар “Печән өсте” дигән күренеш белән чыгыш ясаячаклар. 

Укучыларның һөнәри юнәлешләрен билгеләү максатыннан Татарстан Республикасы Мәгариф һәм фән министрлыгы һәм "Белем сыйфаты мониторингының республика үзәге" 9 нчы сыйныфларда тест уздыра.

Әлеге эшчәнлек укучылар арасында эшче һөнәрләрен популярлаштырү, аларның һөнәрен сайлауда сәләтләрен һәм мөмкинлекләрен үстерү, кызыксынуларын арттыру максатыннан үткәрелә. Бүген Үзәк урта гомумбелем бирү мәктәбе 9 нчы сыйныф укучылары белән дә әлеге тест уздырылды.

Урта Мишэ мәдәният йортында мәдәният хезмәткәрләре Бөек Җиңүнең 70 еллыгы уңаеннан «Сугыш чоры балалары» дигән исем астында стенд эшләделәр.

Стендны эшләүдә «Нәфис сүз» берләшмәсенә йөрүче балалар да зур өлеш кертте. 

Түбән Саврыш авыл клубында актив рәвештә 22 март көнне уздырылачак «Нәүрү» бәйрәменә әзерлек бара.

Бу бәйрәмдә җырлы – бию тамашадан тыш, күңелле спорт уеннары, чанага утырып йөрүләр, төрле кызыклы конкурслар оештырылачак. 

Түбән Саврыш авыл клубы мөдире һәм Айдар мәдәният йорты директоры тәҗрибә бүлешү максатыннан Айдар авыл клубында җылы очрашу оештырдылар.

Бу очрашуда Түбән Саврыш авылы үзэшчәннәре чыгыш ясады. Тамашачы аларны җылы кабул итте. Аларның концерт программасында милли бәйрәмнәрдән күренеш, матур биюләр, җырлар башкарылды. 

Хәзерге вакытта Югары Мәтәске авыл клубында Бөек Җиңүнең 70 еллыгына карата уздырылачак чарага әзерлек эшләре алып бара.

Аерым җырчылар белән эшләп килүче «Сандугач» берләшмәсенә йөрүчеләр белән клубта даими эш алып барыла.  Алар шул уздырылачак чарага эзерлэнэлэр, сугыш турында жырлар ойрэнэлэр.                  

«Тамчы - шоу».

19 март көнне Алан урта мәктәбенең башлангыч  сыйныфларында “Тамчы-шоу “ дип исемләнгән класстан тыш чара үткәрелде. Бу интеллектуаль уенда 3-4 сыйныф укучылары  үзара көч сынашты.