ТУЗГАНАКЛАРНЫ КҮЗӘТҮ

2019 елның 16 мае, пәнҗешәмбе

Тузганак-  язгы чәчәкләрнең берсе, ул кояш кебек сары таҗлары белән барлык тирә-юньгә нур сибә. Бүген 2нче кечкенәләр төркеменә йөрүче балалар тәрбиячеләре Йосыпова Г.Ф. белән берлектә саф һавада бу чәчәкләрне күзәттеләр, төп өлешләрен өйрәнделәр: сабагын, яфракларын, чәчәкләрен аердылар һәм аларны тасфирлап сөйләделәр. Гөлсинә Фәүхетдиновна балаларга иртән, кич, яңгыр алдыннан тузганак чәчәкләре ябыла; сары чәчәкләрен атып бетергәч, ул йомшак ак башлы чәчәккә әверелә һәм аның орлыклары талгын җилдә таралып очып китә, дип аңлатты.