1 март - Бөтендөнья наркомания һәм наркобизнеска каршы көрәш көне.
Бу көнне Айдар авыл китапханәсендә "Наркомания: авыру яки җинаять" дип исемләнгән күргәзмә оештырылды. Күргәзмәдә китаплар, буклетлар, белешмәлекләр, наркомания, наркотиклар, аларның кеше организмына зыян китерүе турында иллюстрацияле материаллар тәкъдим ителде. Соңыннан мәдәният йорты белән берлектә яшьләр өчен профилактик сәгать үткәрелде. Яшьләр белән сөйләшү үз-үзеңне һәм якыннарыңны бу афәттән ничек сакларга, наркоманнар мохитенә ничек эләкмәскә, бу бәлагә каршы торып, лаеклы һәм бәхетле кеше булып калырга кирәклеге турында барды. Әңгәмә ахырында үз-үзеңне саклау өчен тормышта яраткан шөгылеңне табарга кирәк дигән нәтиҗә ясалды. Бу кимчелекләрдән котылу өчен сәламәт яшәү рәвеше алып барырга, яхшыга омтылырга, спорт белән шөгыльләнергә, тормышны яратырга, үз-үзеңне һәм тирә-юньдәгеләрне сакларга кирәк.